ကောဇာသက္ကရာဇ် (၅၈)ခုနှစ်၊ ယောနကတိုင်း သာရဂပြည်ကျမိုင်းမြို့တော်တွင် ကျမိုင်းအမည်ရှိတဲ့ မင်းသည် ထီးနန်းအုပ်ချုပ်မင်းလုပ်တော်မူ၏။ ထို ကျမိုင်းမင်းကြီး၏ တောင်နန်းစံ မိဖုရားတွင် သားတော် (၁၀)ပါး၊ မြောက်နန်းစံ မိဖုရားကြီးတွင်းလည်း သားတော် (၁၀)ပါး ဖွားမြင်တ်ာမူ၏။ စုစုပေါင်း သားတော်ချည်းပဲ အပါး (၂၀)ဖွားမြင်တော်မူ၏။
ထိုသားတော်များ အရွယ်ရောက်ကြသော် ခမည်းတော်၊ မယ်တော်တို့ကို ရှိခိုးပြီးလျှင် မြို့ရွာအသစ်တည်ရန် လျှောက်ထားကြရာ၊ ခွင့်ပြုတော်မူသဖြင့် သက္ကရာဇ် (၁၁၇)ခုနှစ်တွင် ကောဘိန်း အရပ်တွင် နော်တော်ကြီးသည် ထီးနန်းအုပ်ချူပ် မင်းလုပ်တော်မူ၏။ ထိုမြို့၏ အမည်မှာ ရမ္မာပူရ (သို့) ရမ္မာတီ ဟုအမည် နှစ်ခုတွင်လေ၏။ ထိုနောင်တော်ကြီး၏ တောင်နန်းစံ မိဖုရားကြီးဝမ်းမှ သားတော် (၁၀)ပါး ဖွားမြင်တော်မူ၏။ ထိုသားတော်တို့ အရွယ်ရောက်ကြသော် နောင်တော်ညီတော်တို့သည်တိုင်ပင်ကြလေကုန်၏။ ဤဇမ္ဗူဒီပါလက်ယာတောင်ကျွန်းတွင် ရေမြေကျယ်ဝန်းလှ၏။ မြို့၊ ရွာ တည်လို၍ မြေရှာထွက်ရန် လှေ၊ ကတ္တူ၊ ရွက်သင်္ဘောတို့ကိုစီမံကြပြီး နောင်တော်၊ ညီတော် မင်းသား (၁၀)ပါးတို့ ထွက်လာကြရာ ရေစောင့်နတ်တို့က စောင်မကြည့်ရှုကြ၍ တောင်အရပ်သို့ လှေ၊ ကတ္တူ၊ ရွက်သင်္ဘောတို့ကို လွင့်စေလေ၏။
ရှေးဦးစွာ ကျွန်းတကျွန်းသို့ ရောက်၍တက်ကြပြီး မြို့တည်ရန် မြေရာဌာနကိုကြည့်ကြရာ မြေပြင်ညီညွတ်စွာရှိပြီး စည်၏မျက်နှာကဲ့သို့ ညီညာသောမြေကိုတွေ့ရှိကြသောအခါ မင်းသား (၁၀)ပါးတို့သည် တိုင်ပင်ကြ၍ သက္ကရ် (၁၄၅)ခုနှစ်တွင် မြို့တည်လေသည်။
ထိုမြို့တွင် အကြီးဆုံးမင်းသားက ထီးနန်းအုပ်ချုပ်မင်းလုပ်တော်မူ၏။ ထိုမြို့ကို ကြက္ကလင်းမြို့ တော်ဟု တွင်လေ၏။
ထိုမြို့တော်တွင် (၁၀)ပါး သောမင်းသားတို့သည် အစဉ်အဆက် ထီးနန်းအုပ်ချုပ် မင်းလုပ်တော်မူ ကြလေ၏။ ထိုကြက္ကလင်းမြို့၏ အရှေ့ဘက်ကျသော တောတောင်တို့၌ အကျော်၊ စမ္ပာ၊ ကရမက် အစရှိသော နံ့သာတောတို့သည် များစွားပေါများသော တောကြီးတောင်ကြီးတို့ရှိ၏။ ခဲမဖြူ၊ ရွှေ၊ ငွေ၊ ကျောက်၊ သံ၊ ပတ္တမြား အစရှိသော ရတနာတို့ထွက်သော ချောင်း၊ မြောင်း၊ ရှိုင်ကြီး၊ မြိုင်ကြီးတို့သည် များစွာရှိကုန်၏။ ထိုမြို့၏ မြောက်ဘက်ကျသော ကျွန်းကြီး၊ ကျွန်းငယ်တို့မှာ ရေမှဖြစ်သော မုတ်၊ ပုလဲ ရတနာနှင့်တကွ လက်ယာရစ် ခရုသင်းတို့သည် များစွားပေါများ၏။ ရှမ်းပသျှူးလူမျိုးတို့သည် ပင်လယ်မှဖြစ်သော ပုလဲရတနာတို့ကို ကိရိယာတန်ဆာအမျိုးမျိုးဖြင့် ရေအောက်သို့ငုပ်ယူကြပြီးလျှင် သူဌေး၊ သူကြွယ်တို့ကိုရောင်းချလေ၏။ သူကြွယ်တို့သည် အချို့သောပုလဲ၊ ရတနာတို့ကို မင်းအားဆက်သကြလေ၏။ အချို့ကို ရွက်သင်္ဘော တို့နှင့် အရပ်ရပ်သောတိုင်းကြီး၊ ပြည်ကြီး၊ မြို့ရွာတို့ကို လှည့်လည်ရင်းနှီး ကုန်သွယ်လုပ်ကိုင်ခြင်းပြုပြီးလျှင် နေထိုင်ကြလေ၏။
ထိုကြက္ကလင်းမြို့တော်တွင် မင်းဆက် (၁၀)ဆက် နှစ်ပေါင်း (၁၄၅)နှစ် ထီးနန်းအုပ်ချူပ်၍ မင်းလုပ်တော်မူကြလေ၏။
ဆက်ရန်
No comments:
Post a Comment